Жолдауда жүктелген міндеттер айқындалды

Халыққа жолданған Жолдауда көрсетілген тапсырмалар мен міндеттерді барлығымыз жұмыла отырып, жүзеге асыруымыз қажет. Меркіліктердің ортақ ойы осыған саяды. Себебі, орынды мақсаттар ғана табысқа жетелейді. Күні кеше аудан әкімдігінде республикалық ақпараттық топ өкілдерінің жергілікті жұртшылықпен кездесуі мен аудандық орталықтандырылған кітапханада өткен облыстық семинарда осы жәйттарға айрықша басымдық берілді.

Елбасының биылғы жолдауы әдеттегідей елдің еңсесін көтеріп, халықтың әл-ауқатын жақсартуға бағытталды. Онда ең төменгі жалақы мөлшері көбейтіліп, ел экономикасының одан ары дамуына жағдай жасау қарастырылып отыр. Елбасының тапсырмасына сәйкес, мектепке дейінгі бі­лім беру сапасын түбегейлі жақ­сартуымыз керек. Бұл салада бі­ліктілік талаптарын, оқы­ту әдісін, тәрбиешілердің және бала­бақшадағы басқа да қыз­меткерлердің еңбегіне ақы төлеу жүйесін қайта қарау қа­жет.

Жастарға серпін беріп, кәсіпкерлікпен айналысам деушілерге қолдау да мейлінше арттырылмақ. Семинар — кеңесте мәдениет нысандарын цифрландыру жайы кеңінен сөз болды. Бұл да Елбасы жолдауынан туындайтын нақты мәселенің бірі. «Цифрлы Қазақстан» бағдарламасы ел ішіндегі ескі жаңғырту үрдісін аяқтап, эконо­микамыздың әлемдік өсімінің лайықты деңгейге жетуін қамтамасыз етіп, жеделдетілген техн­ологиялық жаңғырту басым­ды­ғына көшуімізді арттыратын жоба. Жиында облыс әкімінің тапсырмасына сай аудандық мәдениет үйлерінде ашылған ақпараттық орталықтың жұмысы талқыланды. Жолдаудан туындайтын басым бағыт айқын. Енді тек, нақты жұмыс-жоспарын құрып, жаңа белестерді бағындыруда жұдырықтай жұмылып, еліміздің өсіп-өркендеу жолында аянбай еңбек ету керек. Жолдауда білім, ғылым, ден­­саулық сақтау салаларын дамытуға ерекше көңіл бөлініпті, «Ұлт саулығы – мемлекеттің бас­­­ты басымдығы» делінген. Са­­­ла­­­маттығы бекем адам – жа­сам­­паз істің локомотиві. Елеу­сіз­деу көрінгенімен, Мемлекет бас­шысының елді спорт ғи­ма­рат­тарын тиімді пайдаланып, дене шынықтырумен айналы­су­ға үндеуі, ол үшін аулаларды, саябақтарды жабдық­тау қажеттігі, жақын арада 100 дене шынықтыру-сауықтыру кешенін салу тапсырмасы бүгін­гідей интернет заманында үлкен­нің де, кішінің де компьютерге не ұялы телефонға байланып қал­ған мез­­гілінде соғылған дабыл деп есеп­­­­тей­мін. Жолдауда айтыл­ған мақсат­тардың іске ­асуына тілектеспін. Ал қоғамды сапалы әрі жүйелі дамыту ісі – мемлекеттік қызмет­керлердің, саяси партиялардың, кәсіпкерлердің, этномәдени бір­лестіктер өкілдерінің, үкімет­тік емес сектордың, кәсіп­одақ ұйым­­­­да­ры және діни бір­лес­тік­тердің, бар­лық адамдар­дың қа­тысуымен жүзеге асатын ұжымдық жұмыс.

Дереккөз: http://taraztv.kz/kz/news/society/zholdauda-zhuktelgen-mindetter-aikyndaldy

 

Добавить комментарий

Ваш e-mail не будет опубликован. Обязательные поля помечены *


444