«ТҰРҒЫНДАР ҮШІН ТАРИФТЕР ӨЗГЕРМЕЙДІ»
Шымкент қаласы әкімдігінің ақпараттық-коммуникациялық орталығында ҚР ҰЭМ Табиғи монополияларды реттеу комитетінің Шымкент қаласы бойынша департаментінің басшысы Д.Кайнбердиев және департамент басшысының орынбасары С.Бопованың қатысуымен баспасөз брифинг өтті.
Баспасөз мәслихатында ҚР ҰЭМ ТМР комитетінің Шымкент қаласы бойынша департаментінің басшысы тұрғындар үшін төлем түрлерінің өзгермейтінін мәлімдеді.
Яғни, «Тұрғындар үшін тарифтердің күрт өсуіне жол бермеу мақсатында жүргізілген жұмыстардың қорытындысымен ТМС өз еркілерімен тұрғындар үшін тарифтерді төмендету туралы және 2019 жылдың деңгейінде қалдыруға шешім қабылдаған. Шешім нәтижесінде 2020 жылы сумен жабдықтау, сарқынды суларды бұру, жылумен жабдықтау қызметтеріне тұрғындар үшін тарифтер көтерілмейді және қолданыстағы деңгейде қалдырылады. Әйтсе де, Дархан Әбілқасымұлы Электр станцияларымен өндірілетін электр энергиясының шекті тарифтерінің жоғарылауына байланысты электр энергиясының тарифі 2018 жылдағы деңгейге дейін жоғарылауы мүмкін екендігін де жасырмады.
