«TAZA SESSIYA» акциясы Түркістан қаласында өтті

Білім беру ордаларында сыбалас жемқорлық тәуекелдерінің алдын алу мақсатында Түркістан облыстық «Jas Otan» жастар қанаты ұйымдастыруымен «TAZA SESSIYA» акциясы аясында студент жастардан анонимді сауалнама алынды.

Сауалнамаға Қ.А.Ясауи атындағы Халықаралық қазақ-түрік университеті мен Халықаралық туризм және меймандостық университетінен жалпы саны студент қатысты.

«TAZA SESSIYA» акциясының негізгі мақсаты — студент жастар арасында сыбайлас жемқорлыққа қарсы мәдениетті насихаттау.

Акцияға Түркістан облыстық мәслихат депутаты Егамбердиева Динара, Түркістан қалалық мәслихат депутаттары Жүсіпбаев Нұрсұлтан, Абдуллаев Ақиқат, Жұман Жансерік, ҚР Сыбайлас жемқорлыққа қарсы іс-қимыл агенттігі Түркістан облысы бойыншы департаментінің превенция басқармасының бас маманы Гүлмира Төлегенқызы, «Түркістан-Адалдық алаңы» жобалық кеңсесінің жетекшісі Нұржахан Абуова және жоба менеджерлері, сондай-ақ БАҚ өкілдері мен жергілікті блогерлер қатысты.⠀

Еске сала кетейік, «Taza Sessiya» акциясын өткізудің соңғы қорытындысы бойынша республика көлемінде 64 Жоғары оқу орны және 20 710 студент қамтылды.

Сауалнама қорытындысы бойынша ЖОО-дағы сыбайлас жемқорлық деңгейі 12,5% құрады. Осы жылы республика көлемінде жалпы саны 30 мың студенті қамту жоспарланған. Сауалнама қорытындысы сәуір айының соңында көпшілікке жарияланатын болады.

Жастармен жемқорлықсыз әлемді бірге құрайық!