Тұтынушылардың қоғамдық бірлестіктері мен қауымдастықтары (одақтары) қоғамдық бақылауды қалай жүзеге асырады?

ҚР «Тұтынушылардың құқықтарын қорғау туралы» Заңының 41-бабының 1-1-тармағына сәйкес, тұтынушылардың құқықтары мен заңды мүдделерін бұзушылықтардың алдын алу және бұл туралы халықты хабардар ету мақсатында қоғамдық бірлестіктері мен қауымдастықтары (одақтары):

1 Тұтынушылар үшін қолжетімді тауарды өткізу (жұмысты орындау, қызметті көрсету) орындарына бару;

2 Қазақстан Республикасы заңнамасының нормаларын ескере отырып, тұтынушылар үшін қолжетімді тауарды өткізу (жұмысты орындау, қызметті көрсету) орындарына барған кезде жаалатын әрекеттердің фото, аудио, бейне тіркелуін қолдану;

3 Сатушының белгіленген жұмыс режиміне кедергі келтірмеу шартымен, тұтынушылардың құқықтық сауаттылығын және өз құқықтары мен заңды мүдделерін қорғау мүмкіндіктері туралы хабардар болу деңгейін арттыруға бағытталған іс-шараларды, оның ішінде тауарды өткізу (жұмысты орындау, қызметті көрсету) орындарында өткізу арқылы қоғамдық бақылауды жүзеге асырады.

Шымкент қаласы бойынша Сауда және тұтынушылардың

құқықтарын қорғау департаменті