ШЫМКЕНТ: ЦИТАДЕЛЬДЕГІ ҚҰРЫЛЫСТЫҢ САПАСЫ ЕРЛАН АЙТАХАНОВТЫҢ ҚАТАҢ БАҚЫЛАУЫНДА
Келер жылы Шымкент ТМД елдерінің #мәдени астанасы атанбақ. Қазір қалада қызу дайындық.
Шымшаһардағы «Ескі қалашық» атымен танымал орталық бүгінде қызу құрылыс алаңына айналған. 5 гектардай жерді алып жатқан #Цитадельде жұмыстар қарқын алған.
Шымкент қаласының әкімі Erlan Aitakhanov апта сайын Цитадельді аралап, құрылысты өзі қатаң қадағалауда, яғни ондағы жұмыс сапасы басты назарда.
Цитадельде қазір #құрылысшылар саны 120 болса, археологиялық қазба жұмыстарымен айналысатын адамдар саны 100-ге жуық.
Еске сала кетсек, ғасырлар тоғысқан Цитадель қаланың негізгі #туристік нысандарының бірі болмақ. Онда 500 орындық амфитеатр, ежелгі мұражай мен галереялар бой көтеріп, қаланың #көркіне айналады. Жоспар бойынша Ескі қала бекінісін қалпына келтіру жұмыстары келесі жылы аяқталмақ.
