Рейс тоқтатылды немесе кешіктірілді, қандай өтемақы талап етілуі мүмкін?

31.07.2024 admin 0 Комментариев

Қазақстан Республикасының қолданыстағы заңнамасында, атап айтқанда «Қазақстан Республикасының әуе кеңістігін пайдалану және авиация қызметі туралы» Қазақстан Республикасы Заңының 86-бабында рейстің күшін жою немесе кешіктіру кезінде тасымалдаушының жолаушы алдындағы жауапкершілігі көзделген.
⠀
1. Тасымалдаушының кінәсінен рейс тоқтатылған немесе кідіртілген кезде тасымалдаушы жолаушылар үшін жөнелту пункттерінде және аралық пункттерде мынадай қызметтерді ұйымдастыруға міндетті:
⠀
* жеті жасқа дейінгі баласы бар жолаушыға ана мен бала бөлмесін (бар болса) беру;
* рейстің ұшуын екі сағаттан артық күткен кезде ұзақтығы бес минуттан аспайтын екі телефон қоңырауы немесе екі электрондық пошта хабарламасы;
* рейстің ұшуын екі сағаттан артық күткен кезде салқын сусындармен қамтамасыз ету;
* рейстің жөнелтілуін төрт сағаттан артық және одан әрі күту кезінде ыстық тамақпен қамтамасыз ету:
әр алты сағат сайын-күндізгі уақытта;
әр сегіз сағат сайын-түнде;
* рейстің ұшуын сегіз сағаттан артық — күндізгі уақытта және алты сағаттан астам — түнгі уақытта күту кезінде тасымалдаушы ұсынатын қонақүйге орналастыру;
* тасымалдаушы ұсынатын көлікпен әуежайдан қонақүйге дейін және қонақ үй қосымша ақы алынбай берілген жағдайларда кері жеткізу.
Осы тармақта көрсетілген қызметтер жолаушыларға қосымша ақы алынбай ұсынылады.
⠀
2. Тасымалдаушының кінәсінен он сағаттан артық мерзімге рейс тоқтатылған немесе кідіртілген кезде тасымалдаушы жолаушының таңдауы бойынша міндетті:
* осы баптың 1-тармағына сәйкес қызметтерді ұсына отырып, жолаушыны билетте көрсетілген межелі пунктке дейін ең жақын рейспен тасымалдауды қамтамасыз ету;
* жолаушыға билеттің толық құнын қайтару.