«e-tutynushy.kz» платформасы туралы білесіз бе?

Қазақстан Республикасының Сауда және интеграция министрлігінің Шымкент қаласы бойынша сауда және тұтынушылардың құқықтарын қорғау департаментінің мамандары «e-tutynushy.kz» (Бұдан әрі – платформа) платформасының жұмысы мен мақсатын Шымкент қаласының тұрғындарымен кәсіпкерлерге түсіндірме жұмыстарын тұрақты түрде жүргізілді.
Сонымен қатар, пайдаланушылармен кәсіпкер субъектілері платформаға тіркелуінің маңыздылығын және пайдаланушылар мен ұйымдар арасындағы өзара әрекеттесуіне оң әсерін тигізуіне ықпал болатындығы айтылуда.
Платформаға тоқталатын болсақ, бүгінгі таңда тұтынушылардың құқықтарын қорғау саласы елдегі ең проблемалы бағыттардың бірі болып табылады. Оның негізгі себебі: азаматтардың өз құқықтары мен заңдарын білмеуі, тараптардың жанжалдарды шешудегі қиындықтары, тұтынушылардың дауларды шешудегі әрекеттер алгоритмін білмеуі. Саланың оң жұмыс істеуіне жәрдемдесу мақсатында 2021 жылдан бастап тұтынушылардың құқықтарын қорғаудың бірыңғай ақпараттық жүйесі жұмыс істейді. Ол не үшін қажет, ол қандай мәселелерді шеше алады және ол қалай жұмыс істейді?
Тұтынушылардың құқықтарын қорғаудың бірыңғай ақпараттық жүйесі тұтынушылардың өтініштерін қабылдау және қарау процесін автоматтандыруға, оларды тұтынушылардың құқықтарын қорғау жүйесінің барлық деңгейлерінде жүйелеуге және есепке алуға арналған ақпараттық жүйе болып табылады.
E-tutynushy — өтініш форматында пайдаланушылар мен ұйымдар арасындағы өзара әрекеттесуге арналған ақпараттық жүйе.
Тұтынушылардың құқықтарын қорғаудың бірыңғай ақпараттық жүйесі Қазақстан Республикасының Дербес деректер және оларды қорғау туралы заңнамасының талаптарын ескере отырып, өздеріне қатысты тұтынушылардың өтініштері мен шағымдары келіп түскен сатушылар (дайындаушылар, орындаушылар) туралы мәліметтерді қоса алғанда, ақпараттың жалпыға бірдей қол жетімділігін қамтамасыз етуге тиіс.
Тұтынушылардың құқықтарын қорғаудың бірыңғай ақпараттық жүйесінің жұмысы заңнама нормаларын түсіндіруге және өтініштерді қысқа мерзімде қарауға бағытталған. Платформа арқылы ұялы телефон немесе компьютер арқылы кез келген тұрғын e-tutynushy.kz өз құқықтарының бұзылғаны туралы хабарлай алады.
Тұрғындар күн сайын тауар сатып алады немесе белгілі бір қызмет түріне жүгінеді. Сатушылармен келіспейтін кездер болады. Мысалы, өнімді сатып алу кезінде тұтынушының құқықтары сақталмауы мүмкін. Бірыңғай ақпараттық жүйенің негізгі міндеті: туындаған мәселелерді шешу арқылы халықтың өмір сүру сапасын жақсарту. Бұл платформа тұтынушыларға, қызмет жеткізушілеріне, үкіметтік емес ұйымдарға және мемлекеттік органдарға арналған.
Бірыңғай ақпараттық жүйеге қалай шағым беруге болады? Бұл үшін тұтынушы сайттың басты бетіндегі «өтінішті жіберу» бөліміне өтіп, нысанды толтыруы тиіс. Негізгі шарт-заңды тұлға мен тұтынушының дау-дамайы шынымен болғанын растайтын құжаттың болуы. Бұдан басқа, тұтынушы өзінің толық атын, жеке сәйкестендіру нөмірін, электрондық мекенжайын және телефон нөмірін тіркеуі қажет. Бүгінгі таңда платформа жемісті жұмыс істейді.
Ал кәсіпкерлер келіп түскен шағымдарды қалай көреді? Ол үшін бизнес өкілдері Бірыңғай ақпараттық жүйеде тіркелуі қажет. Бұл тұтынушылардың шағымдарын тікелей қабылдауға және туындаған дауларды уақтылы шешуге мүмкіндік береді.

Шымкент қаласы бойынша Сауда және тұтынушылардың құқықтарын қорғау департаменті