Ең өтімді брендті өнім

Түркістан облысында Қазақстан Республикасының индустриалды- инновациялық дамытудың 2015-2019 жылдарға арналған бағдарламасы қарқынды түрде жүзеге асырылуда. Оны жүзеге асыру мақсатында көптеген жобалар қолға алынған. Бүгінде облыс орталығында  4 мың комплект жиһаз шығаруға қауқарлы ЖК «Рахманкулов А.П.» «Белла жиһазын» шығаратын фабрикасы ауқымды жұмыс атқаруда. Заман талабына сай әсем жиһаздар көпшіліктің сұранысына ие. Сапасы жоғары, талғамға сай жиһазға тапсырыс берушілер де көп. Облыс орталығында жиһаз өндірісімен айналысатын ірілі ұсақты кәсіпорындар жетерлік. Дегенмен «Рахманқұлов» кәсіпкерлігі шығаратын өнімнің орны ерек. Қолға алынған жобаның жалпы құны 506 миллион теңгені құрайды. Өндіріс орнының құрал жабдық, қажетті шикізатына қажетті 300 миллион  теңгесін кәсіпкер мемлекеттік бағдарлама аясында алған. «Белла жиһазы» брендімен шығарлатын өндірісте заманауи технологиялар қолданылады. Әлемдегі ең өтімді брендті өнімдерден еш кемдігі жоқ. Артықшылығы болмаса. Мұнда 50 адам тұрақты жұмыспен қамтылып отыр. Алдағы уақытта өндіріс орны өнім көлемін көбейтіп, жұмыс орнын да арттырмақ ниетте.