«ҚАЗАҚ ТІЛІ – ҒЫЛЫМ ТІЛІ: ЖАСАНДЫ ИНТЕЛЛЕКТ ЖӘНЕ ТЕРМИНОЛОГИЯ» ІІ халықаралық симпозиумы
Ана тіліміздің ғылымның тілі ретінде кең тыныстауы үшін күрмеуі шешілер мәселелер баршылық. Ғылымның кез-келген саласында қазақ тілінің бәсі жоғары болуы үшін атқарылып жатқан жұмыстар көп. Бұл мәселе ел Президенті Қ-Ж.Тоқаевтың жеке назарында тұр. Бүгін дәл осы тақырыпта Қазақстан, Түркия, Өзбекстан, Қырғызстан, Қарақалпақстан және т.б. ел ғалымдары Ахмет Ясауи университетінде өтіп жатқан «ҚАЗАҚ ТІЛІ – ҒЫЛЫМ ТІЛІ: ЖАСАНДЫ ИНТЕЛЛЕКТ ЖӘНЕ ТЕРМИНОЛОГИЯ» ІІ халықаралық симпозиумының «Іргелі және қолданбалы тіл білімі: заманауи тілтанымдық зерттеулер» секциясында талқылады. Модераторы Ахмет Байтұрсынұлы атындағы Тіл білімі институтының директоры, белгілі тілтанушы ғалым Анар Фазылжанова. Тамыры бір туыс ғалымдар ғылыми пікір алмасып, тіл білімінлегі ортақ мәселелерді ортаға салды.
