ТҮРКІСТАН ӨҢІРІНІҢ БАРЛЫҚ БІЛІМ БЕРУ ҰЙЫМДАРЫНДА БІРЫҢҒАЙ «АДАЛДЫҚ САҒАТЫ» ӨТТІ
Бүгін Қазақстан Республикасының Сыбайлас жемқорлыққа қарсы іс-қимыл агенттігінің Түркістан облысы бойынша Департаментінің бастамасымен еліміздің барлық білім беру ұйымдарында бірыңғай жалпыреспубликалық «Адалдық сағаты» өтті.
«Парасаттылық» тақырыбында өткен біріңғай сағатында адалдық, әділдік, әдептілік, жауапкершілік, ар-намыс сияқты көптеген адами қасиеттер түсіндірілді. Осы құндылықтар қоғамда сыбайлас жемқорлыққа қарсы мәдениетті қалыптастырудың негізі болып табылады.
Жаппай бірыңғай сағат Түркістан облысына қарасты барлық 903 білім ошақтарында 40 мыңға жуық жас буынның қатысуымен өтті.
«Адалдық сағатының» негізгі мақсаты — өскелең жас ұрпақтың өн бойына адалдық, парасаттылық, әділдік, сенім құндылықтарын сіңіруге және жас буынның рухани болмысын бекітіп, сыбайлас жемқорлыққа қарсы мәдениетін қалыптастыру.
Бұл игі бастамада «Nur Otan» партиясының, «Атамекен» ҰКП, ардагерлер алқасының, жастар ұйымдарының аудандағы өкілдері, сондай-ақ, білім беру саласының үздіктері, Парасаттылық елшілері, арнайы мониторингтік топ өкілдері, қоғам белсіндерілері білім алушыларға дәріс оқыды.
Адалдық сағатында лекторлар адам бойында қалыптасқан адалдық пен әділдік құндылықтарының қасиетін, тағылымға толы тарих беттеріндегі әділдікті ту еткен кемеңгерлердің туралығын жан-жақты айтып өтті.
Шара барысында адалдықты, парасаттылықты қалай түсінетіндіктері және оны қалыптастыру жөнінде ойларын айтты. Сонымен қатар, оқушылар өз ойларында жүрген сұрақтарын қойып пікір алмасты.
Сыбайлас жемқорлыққа қарсы мәдениетті қалыптастыруда өскелең ұрпақпен жұмыс қағидатты маңызды рөл атқарады.
Ескерте кетейік, бұл игі бастама дәстүрлі түрде жыл сайын «1 қыркүйек – Білім күнінде» басталып, оқу жылының соңына дейін жүйелі түрде әр тоқсанның басында қоғам белсенділерін қатыстыра отырып өткізілетін болады.
