ҚАЙЫРЫМДЫЛЫҚ ЖЫЛЫ ЖҮРЕКТЕН ШЫҒАДЫ

Бірлігі бекем елдің іргесі сөгілмейді. Шын патриот азамат — жан-жағындағы тұрмысы жұтаң жандарға қол ұшын беріп, ел ішіндегі ынтымақтың сақталуына тілекші болады. Бүгін Шымкент қаласы өзбек этномәдени орталығының төрағасы Тахир Нишанбаев және Қазақстан халқы ассамблеясының мүшесі Акрам Исмайлов бастаған біршама белсенді азаматтар Қазақстан халқы Ассамблеясының 25 жылдығы аясында 1 мамыр — Қазақстан халқының бірлігі күні мерекесіне орай аз қамтылған 50 отбасына азық-түлік таратты. Көмекке мұқтаж отбасылардың аналары мен балалары шын жүректен алғыстарын жеткізді.