Қоғамдық келісім мен татулықты сақтауға шақырды
Шымкент қаласы «Қоғамдық келісім» КММ қызметкерлері мен этномәдени бірлестіктердің өкілдерінен құралған мүшелері қоғам тұтастығын мен татулығын сақтау мақсатында Шымкент қаласының төрт ауданында (Абай, Әл-Фараби, Еңбекші, Қаратау) жергілікті тұрғындармен кездесулер өткізді. Атап айтқанда, Абай ауданы бойынша «Хамза», Әл-Фараби ауданының «Ескі шаһар», Еңбекші ауданының «Қарабастау», Қаратау ауданының «Тассай» тұрғын алаптарында өткен кездесулер барысында азаматтарды күнделікті жұмыс барысында қолданыстағы заң аясында жұмыс істеуге, қала аумағындағы қоғамдық келісім мен татулықты сақтауға шақырды.
